Монгол Улсын Засгийн газрын хэрэгжүүлэгч агентлаг Усны газар, Туул голын сав газрын захиргаа, Отгонтэнгэр их сургуулиас зохион байгуулж буй “Нийслэлийн аварга шалгаруулах илтгэх ур чадварын тэмцээн”-д 200 гаруй ахлах ангийн сурагчид оролцож байна.

Байгаль орчныг хамгаалах тухай, Усны тухай, Ус бохирдлуусны төлбөрийн тухай, Хог хаягдлын тухай хууль тогтоомжийн хэрэгжилтийг хангах ажлын хүрээнд усыг хамгаалах, зүй зохистой ашиглах талаар уламжлагдан ирсэн зан үйл, өв соёл, түүх домгийг түгээн дэлгэрүүлэх, ирээдүй хойч үеийн хүүхэд залуучуудад байгаль орчноо хайрлан хамгаалах орчин үеийн амьдралын хэв маягт нийцүүлэн зөв дадал, хэвшил олгох, хүүхэд залуусын дуу хоолойгоор дамжуулан нийгэмд эерэг нөлөө үзүүлэх зорилгоор тус тэмцээнийг зохион байгуулж байна.