1. ЗГХА Усны газрын Төрийн жинхэнэ болон төрийн үйлчилгээний албан хаагчдын 2025 оны эхний хагас жилийн гүйцэтгэлийн тайлан, үнэлгээ

а. Албан хаагчдын үнэлгээ: 2025 оны эхний хагас жил 

б. Гүйцэтгэлийн тайлан:

 2. ЗГХА Усны газрын Төрийн жинхэнэ албан хаагчдын 2024 оны сүүлчийн хагас жилийн үр дүнгийн урамшуулал олгосон талаарх мэдээллийг хавсарсан файлаас үзэх боломжтой.

2024 оны үнэлгээний тайлан

Монгол Улсад үйл ажиллагаа эрхэлж буй иргэн, аж ахуйн нэгж, байгууллагууд “Усны тухай хууль”-ийн дагуу ус ашиглах боломжит нөөцийн дүгнэлт, ус ашиглуулах дүгнэлт, хаягдал усны дүгнэлт-ийг эрх бүхий байгууллагаар гаргуулан, холбогдох зөвшөөрөлтэйгөөр үйл ажиллагаа явуулна уу. Иймд дээрх дүгнэлтүүдийг хугацаанд нь гаргуулж, төлбөр, хураамжийг тогтоосон Татварын байгууллагад хугацаанд нь төлнө үү.

БАЙГАЛЬ ОРЧНЫ НӨЛӨӨЛЛИЙН НАРИЙВЧИЛСАН ҮНЭЛГЭЭ ХИЙХ ЭРХ БҮХИЙ МЭРГЭЖЛИЙН БАЙГУУЛЛАГУУДАД МЭДЭЭЛЭЛ ХҮРГҮҮЛЭХ ТУХАЙ

Монгол Улсын Засгийн газрын хэрэгжүүлэгч агентлаг Усны газраас Усны тухай хуулийн заасны дагуу гаргадаг Усны ашиглах боломжит нөөцийн дүгнэлтийг цахим системээр гаргах болсонтой холбогдуулан Байгаль орчны нөлөөллийн нарийвчилсан үнэлгээ хийх эрх бүхий мэргэжлийн байгууллагуудад мэдээлэл өгөх цахим уулзалтыг 2024 оны 05 дугаар сарын 30-ны өдрийн 11 цагт зохион байгуулна. Тус уулзалтад систем хөгжүүлэлт хийж байгаа “Аствишн” ХХК болон Усны газрын удирдлагууд, холбогдох мэргэжилтнүүд оролцоно. Уулзалтад дараах холбоосоор орно уу.

Join Zoom Meeting
https://us02web.zoom.us/j/82220601408?pwd=cZbvlLxaboHddlFt8dpmAB736FtnvI.1

Meeting ID: 822 2060 1408
Passcode: 398482

УСНЫ ГАЗАР
2024-05-29

ОРХОН АЙМАГТ УС БОХИРДУУЛСНЫ ТӨЛБӨРИЙН ТУХАЙ ХУУЛЬ, ЭРХ ЗҮЙН ЗОХИЦУУЛАЛТЫН ТАЛААР СУРГАЛТ, ХЭЛЭЛЦҮҮЛЭГ ЗОХИОН БАЙГУУЛЛАА

Усны газар, Орхон аймгийн Байгаль орчин, аялал жуулчлалын газар,  Орхон-Чулуут голын сав газрын захиргаа,  Сэлэнгэ голын сав газрын захиргаа хамтран 2023 оны 11 дүгээр сарын 15-18-ны өдрүүдэд Орхон, Булган аймгийн Татварын хэлтэс, Байгаль орчин аялал жуулчлалын газар, Хануй голын сав газрын захиргаа, томоохон ус ашиглагч компаниудын удирдах болон инженер техникийн нийт 78  ажилтан, албан хаагчдад Усны тухай, Ус бохирдуулсны төлбөрийн тухай, Байгалийн нөөц ашигласны төлбөрийн тухай хууль, эрх зүйн зохицуулалт, хэрэгжилтийн талаар сургалт, хэлэлцүүлэг зохион байгуулж, Орхон аймагт төсөл хэрэгжүүлэгч “Зэс эрдэнийн хувь” ХХК, “Гал сэнтий” ХХК, “Эрдмин” ХХК, “Ачит ихт” ХХК, “Эрдэнэт хивс” ХХК, “Эрдэнэтийн дулааны цахилгаан станц” ТӨХК-ийн ус ашиглалт, хаягдал усыг эргүүлэн ашиглаж буй үйл ажиллагаатай танилцаж, ахуйн болон технологийн хаягдал уснаас хяналтын сорьцын шинжилгээ авч, мэргэжил арга зүйгээр ханган ажиллав.

1. Байгаль орчин аялал жуулчлалын сайдаас өгсөн үүргийн дагуу 2023 оны 09 дүгээр сарын 16-ны өдөр Усны газрын дарга З.Батбаяраар ахлуулсан албан хаагчид “Тэнгэрлэг монголчууд” НҮТББ-тай хамтран Хандгайтын гол, Сэлбэ голуудын хамгаалалтын бүсэд хяналт тавин ажиллахад онцгой хамгаалалтын бүсэд барилга байгууламж барьсан, худаг, цооног өрөмдсөн зэрэг олон тооны ноцтой зөрчил илэрсэн тул Сүхбаатар дүүргийн Засаг дарга, Нийслэлийн байгаль орчны газарт зөрчлүүдийг арилгаж, шийдвэрлэх талаар мэдээлэл өгч ажиллав.

2. Усны газрын даргын баталсан удирдамжийн дагуу ажлын хэсэг 2023 оны 09 дүгээр сарын 18-ны өдрөөс эхлэн Булган аймгийн Бүрэгхангай, Төв аймгийн Заамар сумдад уул уурхайн төсөл хэрэгжүүлэгч компаниудын ус ашиглалт, хаягдал усыг эргүүлэн ашиглаж буй үйл ажиллагаатай газар дээр нь танилцаж, Усны тухай, Ус бохирдуулсны төлбөрийн тухай хуулийн хэрэгжилттэй танилцан 33 компанид зөвлөмж өгч, мэргэжил арга зүйгээр ханган ажиллаж байна.

3. Хөвсгөл нуур-Эгийн голын сав газрын захиргаанаас зохион байгуулж буй Сав газрын талуудын оролцооны зөвлөлийн хуралд 2023 оны 09 дүгээр сарын 20-ны өдөр Усны газрын дарга З.Батбаяр оролцож сав газрын усны нөөцийн нэгдсэн менежментийн төлөвлөгөөний хэрэгжилт, цаашид хийгдэх ажил арга хэмжээний талаар хэлэлцэж, Хөвсгөл аймгийн Засаг дарга П.Лхагважавтай уулзаж усны нөөц, хамгаалалт ашиглалт, аймгийн усны тулгамдсан асуудлуудын тухай ярилцаж, байнгын харилцан уялдаа холбоотой ажиллахаар тохиролцлоо

4. Усны газрын дарга З.Батбаяр 2023 оны 09 дүгээр сарын 21-ний өдөр Хөвсгөл нуур, түүний хамгаалалтын бүсийн дэглэмийн хэрэгжилттэй танилцахад нуурын эрэг дээр, онцгой хамгаалалтын бүсийн дотор, хамгаалалтын бүс тогтоосон тухай самбарын дэргэд барилга барих, газар ухах, хөрс хуулах зэрэг үйл ажиллагаа явуулж буй зарим аж ахуйн нэгжийн барилгын ажлыг зогсоож, байгаль орчны нарийвчилсан үнэлгээ, барилгын ажлын зөвшөөрөл, усны дүгнэлт зэрэг бичиг баримтгүй байгаа учраас холбогдох газрын гэрчилгээ, тусгай зөвшөөрлүүдийг хүчингүй болгох шаардлагуудыг эрх бүхий байгууллагуудад явуулахаар боллоо. Харин “Тогтвортой аялал жуулчлалыг хөгжүүлэх төсөл”-ийн хүрээнд хийгдэж буй Хатгалын шинэ хогийн цэг, цэвэрлэх байгууламжийн ажлын гүйцэтгэл дуусах шатандаа орсон байна.

5. “Усжуулагч төгөл”-ийн нээлт болов. Монгол Улсад усны салбар үүсч хөгжсөний 85 жилийн ой, Усжуулагчдын өдрийг тохиолдуулан салбарын үе үеийн ажилтан, алба хаагчид, ахмадууд, эрдэмтэн судлаачид, хүндэт усжуулагчдадаа зориулан “Усжуулагч төсөл”-ийг ахмад усжуулагч н.Цэндсүрэн санаачлан Монгол улсын Засгийн газрын хэрэгжүүлэгч агентлаг Усны газар дэмжлэгтэйгээр усны мэргэжлийн байгууллага “Эрдэнэ дрийлэнг” компанийн хамт олон бүтээн байгуулсан. Энэхүү төглийн нээлтийн үйл ажиллагаа 2023 оны 09 дүгээр сарын 20-ны өдөр Үндэсний цэцэрлэгт хүрээлэнд болсон бөгөөд салбарын ахмад, дунд, залуу үеийн төлөөлөл оролцов.

“Усжуулагч төгөл” нь нийт 900 м² талбайтай бөгөөд төглийн гол хэсэгт “Усны өвгөн” буюу “Цагаан өвгөн, Урт наст зургаа” хэмээх 3 метр өндөр гантиг чулуун сийлбэрийг байрлуулж, агч, улиас, хайлаас, голт бор, нарс гацуур, хүрэн монос, тэхийг шээг, цэцэрлэгийн сарнай зэрэг 20 гаруй төрлийн мод бут тарьж, бүрэн автомат, усны зарцуулалт багатай усалгааны систем суурилуулсан байна. Энэхүү төглийг бүтээн байгуулсан “Эрдэнэ дрийлэнг” компанийн хамт олонд талархал илэрхийлье.

https://water.gov.mn/news/homepage/200-%E2%80%9C%D1%83%D1%81%D0%B6%D1%83%D1%83%D0%BB%D0%B0%D0%B3%D1%87-%D1%82%D3%A9%D0%B3%D3%A9%D0%BB%E2%80%9D-%D0%B8%D0%B9%D0%BD-%D0%BD%D1%8D%D1%8D%D0%BB%D1%82-%D0%B1%D0%BE%D0%BB%D0%BE%D0%B2